Архива

И Охрид под снежна покривка. Врнежите кои од вчеравечер започнаа да паѓаат, за децата донесоа радост, а за воздрасните проблеми. „Механизацијата на ЈП уште во текот на вчерашниот ден околу 18 часот почна со расчистување на улиците и со посипување на сол и песок по улиците. Тротоарите пак и стариот дел рачно се чистат од 5 часот утринава“, вели директорот на ЈП Сашо Алче.

Поефтинуваат лековите. Се работи за вкупна бројка од околу 900 лекови кои сега на пациентите ќе им бидат достапни по пониски цени. Од денес, на терен се и инспекторите кои ќе утврдуваат дали аптеките ги продаваат лековите по новите цени. Од подрачната единица на Фондот за здравствено осигурување велат дека од оваа мерка најголем бенефит ќе имаат токму пациентите.

Досегашниот лидер на ВМРО – Народна Партија, Маријан Додовски се враќа во ВМРО-ДПМНЕ. Според Додовски атмосферата во партијата била неподнослива па морал да преземе чекор со кој радикално би ги променил состојбите. ВМРО Народна повторно ја превзема Љупчо Георгиевски.

Блок дотациите во образованието не ги задоволуваат потребите на општина Охрид. Советничката група на ВМРО НП на последната седница реагираше дека владата перманентно уште од минатата година ги намалува средствата кои се однесуваат на средства за греење и превоз на ученици во основното и во средното образование кои како блок дотации доаѓаат во општина Охрид. Советникот Јоне Станкоски вели дека за 4 и пол или 5 милиони денари се намалени средствата на општина Охрид, кои и се потребни за нормално да функционира образованието.

Не е пробиен законскиот рок за избор на директор во Основното училиште „Христо Узунов“, уверуваат од Општина Охрид.

Најсериозна закана за студенчишкото блато е урбанизацијата. Тоа е само една од многуте закани за трајно изчезнување на ова значајно природно богатство. Експертите за оваа проблематика сметаат дека најдобро решение за заштита на остатокот од блатото е тоа да добие правна рамка.

Објектите од јавен интерес, како пазарите, автобуската станица и катните гаражи ќе се менаџираат со јавно-приватно партнерство. Плажите пак, ќе се даваат под краткорочен закуп, заедно со времените објекти и урбаната опрема.

5 и 6-ти февруари се денови кога се чевствува името и делото на големиот македонски преродбеник и писател од 19 век – Григор Прличев. Во негова чест библиотеката Григор Прличев, завод и музеј, основното училиште и центарот за култура Григор Прличев, во координација со општина Охрид и подржани од Министерството за култура, организираат низа манифестации.

Интензитетот на реакциите на одлуката на Советот да се зголеми цената на водата за  пиење не се смалува. По искажната загриженоста на  политичарите од ОК на Вмро Дпмне и нивните советници се огласи и граѓанско здружение  „Христо Узунов“.