Архива

Заменикот окружен јавен обвинител на Окружното јавно обвинителство Перник Бисер Јорданов Михајлов и истражителот во Националната истражна служба на Република Бугарија Младен Христов Петров денеска од јавниот обвинител на Република Македонија, Љубомир Јовески ќе ги преземат материјалите поврзани со истрагата и со идентификацијата на жртвите во тешката автобуска несреќа во Бугарија.

Синоќа во х.Метропол започна со работа 6 Конгрес на психијатрите на Македонија. “Психијатријата и менталното здравје во 21 век“ е темата на која ќе расправаат македонските психијатри и еминентни стручњаци од светот. Пред учесниците во името на градот домаќин, се обрати заменик градоначалникот Константин Георгиески.

На стартот од новата учебна година пристигнуваат реакции од родителите дека нема учебници по сите предмети во училиштата. Од Министерството за образование и наука тврдат дека има учебници. На терен пак, училиштата се снаоѓаат во условите кои ги имаат. Во некои училишта има вишок на учебници по природните науки, а со години недостасуваат учебници по одредени предмети.

Во Основното училиште  „Христо Узунов“ , вечерва градоначалникот Јован Стојаноски, рускиот амбасадор во Република Македонија  Сергеј Александрович Баздникин и почесниот конзул и директор на Рускиот центар при Универзитетот „ Св. Кирил и Методиј“ Велимир Стојкоски, присуствуваа на првиот час на бесплатните курсеви по руски јазик.

Вкупните долгови на општина Охрид,  по основ на главница и камати изнесуваат околу 25 милиони евра, вели секретарот на општина Охрид Игор Бежоски.  Со најавената финансиска инјекција од државата, локалната власт има намера да изменаџира сервисирање на 80% од долгот.

Јоханес Хан се враќа во Скопје во Фебруари за да го провери напредокот во поглед на решавањето на политичката криза.

ЈП Охридски комуналец доби „пајак“ возило. Возилото е донација од ЈП Паркинзи од град Скопје. Комуналец по налог на полицијата  со две возила  ќе интервенира во ставање ред во  соообраќајот , а ќе го користи и за сопствени потреби. 

На местото од страницата порака “смирете се” и реклама за Виагра

На 16-та седницата на Советот на општина Дебрца, советниците едногласно ја изгласаа предлог одлуката за доделување на помош за лекување на Сара Настеска во висина од 100.000 денари.