Дел од улицата „Ристо Чадо“ со дупки, кал и бари, се жалат граѓаните

Во склоп на рубриката „Ти си твојот град“ која ја спроведува ТВМ Телевизија, ни пристигнаа слики од нашиот сограѓанин Диме Стеваноски. Тој реагира на проблем кој што го имаат на дел од улицата „Ристо Чадо“ во населбата Видобишта во Охрид.

Имено, од сликите може да видиме дека станува збор за раскопана улица во многу лоша состојба, а ова е неговиот коментар :

Во моите 50-тина години немаме пристапен пат, се молиме до сите градоначалници, слух нема никој за нашиот проблем. Куќи со платени комунали, пат нема зошто Општината го преименува патот на друга локација по урбанистички план, а сеуште истиот не е спроведен и немаме пат до нашите куќи, се давиме во бари. Го молиме Градоначалникот да ја спроведе еспропријацијата и да ни овозможи слободно да одиме до нашите куќи – вели Стеваноски за „Ти си твојот град“.