Архива

Протест на вработените на МЈП „Проаква“, Р.Е. Водовод, Струга. Тие бараат исплата на 3 од вкупно заостанати  шест плати и гаранција за редовна плата во наредниот период. Одговрните од ЈП без конкретни ветувања дека може да им излезат во пресрет на барањата на вработените, поради бројните и големи проблеми со кои се соочува претпријатието.

Претседателот на Венецуела Уго Чавес, вчера изјави дека неговиот американски колега Барак Обама е „необразован“, затоа што тврди дека лидерот на оваа латиноамериканска држава шири тероризам и го запира развојот на Јужна Америка, пренесоа агенциите.

Некои од плажите издадени под закуп на охридското крајбрежје повеќе од 6 години работат на диво. Никој во минатото не направил ништо по ова прашање, па некои со години печалеле бесправно, вели градоначалникот, Константин Георгиески. Тој побара сите надлежни институции да се заангажираат и ваквата неправда да се корегира.

Актуелниот светски шампион во снукер, Рони О’Саливен петти пат во својата кариера го освои мастер турнирот на најдобрите 16 играчи во Лондон, совладувајќи го минатогодишниот шампион Марк селби со 10-4.

Лидерите на ЕУ се согласија да ги удвојат за 25 милијарди евра парите за земјите, кои не се членки на еврозоната, а се соочени со проблеми.

Едно лице загина во пожарот кој во текот на ноќта изби во станбена зграда во кругот на инфективната клиника во Белград, пренесува Радио телевизија Србија (РТС). Уште едно лице е пренесено во болница, а пожарот е изгаснат.

Емел  Махмуд е охридска академска сликарка која по втор пат има изложба во галеријата на Куќата на Робевци. За нејзиното творештво ќе рече дека е инспирирана од филозофското движење на суфизмот кој упатува  порака на љубов кон човештвото. 

Повеќе од четири милиони граѓаните на Словачка денеска ќе гласааат за еден од седумте кандидати за иден шеф на државата во првиот круг од третите претседателски избори од осамостојувањето на земјата.

Поштарите се лицето на Македонска пошта, а немаат униформи, обувки ниту превозни средства, велат од синдикатот кој денеска на состанок со генералниот директор и управниот одбор ќе ги изнесе барањата за подобрување на условите за работа и навремена исплата на плати. Денеска вработени во подружниците на Македонска пошта меѓу кои и охридската излегоа на протест во знак на револт од состојбата во компанијата.