Архива

На 80-годишна возраст почина примариус д-р Стојан Ковачески од Струга. Во негова чест денес се одржа комеморација на која присуствуваа неговите најблиски членови на семејството, колеги и пријатели.

Охрид домаќин на државниот натпревар по физика. Околу 320 ученици, 80 ментори од 60 училишта од земјава, учествуваа на овој голем настан, кој годинава се одржува во ОУ „Христо Узунов“.

Депонијата Буково постојано се опожарува и испушта чад кој стигнува и до Охрид. Од локалната велат дека пожарите се предизвикани од високите температури и несовесното однесување на поединци поради што потребни се контроли за пронаоѓање на лицата кои неовластено се движат и престојуваат на тој потег. Во врска со горењето на депонијата денеска се огласи и Државниот инспекторат за животна средина од каде информираа за досегашните изречени решенија и глоби и дека доколку не се почитуваат законските одредби и во иднина ќе следеле санкции и мерки.

Крак од ул „Гоце Делчев“ прерасна во тесно сообраќајно грло поради зафатите за изградба на новиот затворен градски пазар. Револтирани возачи, станари, дуќанџии и пазарџии, секојдневно укажуваат на низа проблеми и ги повикуваат надлежните да најдат соодветно решение со цел да се реши хаосот кој со денови се случува на овој потег.

Прекрасни кукли во народни носии изработени од пластични шишиња и рециклиран материјал. Тие се резултат на креативноста на наставниците и учениците од ОУ „Кочо Рацин“. Наставничките и некои од учениците на крајот од месецов да учествуваат на фестивалот кој ќе се одржи во Бања Вруци во Р. Србија и ќе бидат единствените учесници од Македонија во категорија креативни работилници.

Пазарната вредност на PayPal се проценува на 52 милијарди долари

Луѓето треба да се информираат од повеќе канали, од разни медиуми, со цел да стекнат мислење поврзано со одредена тема. Со цел зголемување на свеста за активно граѓанско учество и поттикнување граѓански активизам за решавање на локални предизвици преку медиумско описменување, денес во Охрид се одржа работилница на тема „Јакнење на граѓанскиот активизам преку медиумска писменост“.

Осум компании од текстилната индустрија од Македонија во среда на деловна (Б2Б) средба со фирми од Северна Европа ќе ги презентираат своите производи и услуги во Копенхаген, Данска.

Слаб е интересот на граѓаните од Охрид за јавните анкети и презентации за Деталните Урбанистички планови. Денес во големата општинска сала беа презентирани два Детални урбанистички планови кои се оденсуваат за станбени куќи за домување на ул. „Марко Нестороски“, „Васил Стефоски“ и ул „Бистрица“.