Архива

Од утре (01.04.) во сите градови во Македонија започнува едношалтерскиот систем за објава на изгубен личен документ и отпочнување постапка за вадење нов од едно место, само на шалтерите во управните служби на МВР.

Охридските угостители незадоволни од новите тарифи за поставување урбана опрема кој е ставен во предлог одлуката која треба да се разгледува на нареднава седница на совет. Тие ќе треба да плаќаат речиси двојно повеќе од тоа што досега плаќале за поставување столици и маси пред своите објекти. Од Здружението бараат да се најде некое решение на задоволство на сите засегнати страни, вклучувајќи ја и Општината.

Лабуништани не добија  информација дали каменоломите во нивната МЗ работат легално или не и колку се штетни. Од министерството за екологија се оградија како ненадлежни за утврдување на штетноста на каменоломите, тоа било работа на локалната.

За Али Пашината џамија во Охрид ќе се дискутира на седница на Влада. Министерството формираше комисија од стручни лица составена од надлежните установи и Управата за заштита на културното наследство која ќе ги испита сите околности во однос на реконструкцијата на Али пашината џамија.

Пандев: Ова е најважниот гол во мојата кариера.

Утре стартува националниот попис на населението во Република Македонија. Пет илјади попишувачи, 500 реонски супервизори, 50 пописни комисии за секој од пописните реони, ја започнуваат оваа статистичка операција.

Охрид ќе добие уште еден мини зелен пазар. ЈП „Градски пазар“ планира да постави 20тина тезги на паркинг просторот кај Општата блница. Ваквата идеја дошла од граѓаните кои досега своите производи нелегално ги продаваа во близина на ова место.

Градоначалникот Константин Георгиески и претседателот на ФФМ Муамед Сејдини, денес, потпишаа меморандум за соработка. Во рамки на меморандумот е опфатен проектот за изградба на новата трибина на стадионот „Билјанини извори“.

Поддршка од УНИЦЕФ за отворање на Центри за ран детски развој во партнерство со општините. Охридската градинка веќе аплицираше за овој проект, и доби средства од УНИЦЕФ, за отворање на еден ваков Центар во населбата Рача. Во рамки на партнерството, УНИЦЕФ ги покрива иницијалните трошоци, реновирање на просторот, мебел, материјали, играчки, дидактички средства и обука за едукаторот.