Вооружени лица го завзеле аеродромот во Симеферопол

Украинскиот аеродром во Симеферопол, престолнинаната на Крим, утрово е под патроли на неидентификувани вооружени лица, јавува новинар на Франс Прес од местото на случувањето.

Вооружените лица кои упаднале на аеродромот потсетуваат на оние кои пред некој ден ги завзедоа локалниот парламент и влада, бидејќи се слично облечени и изгледаат како „локални Руси“.

Изјавите на сведоците велат дека вооружените лица носат руско занме. Агенцијата Асошиетед прес наведува дека десетици вооружени лица патролираат на аеродромот и одбиваат да разговараат со новинари.. АФП потсетува дека претставници на новата влада во Киев треба да пристигнат на аеродромот во Симеферопол во текот на денот.