Турски карго авион се сруши во населено место во Киргистан

Турски товарен авион се урна во близина на аеродромот Манас во Киргистан, при што загинаа најмалку 32 лица, повеќето од нив жители на селото погодени од боингот 747 додека се обидувал да слета во густа магла, изјавија официјални лица на Киргистан.

Според управата на аеродромот, авионот требало да застане во Манас, 25 километри северно од главниот град Бишкек, на пат од Хонг Конг кон Истанбул во понеделникот.

Се урнал при обидот да слета на слабата видливост во 7:31 по локално време.

Во несреќата се оштетени 15 згради во селото, рече Мухамед Сваров, шеф на Центарот за справување со кризи на Министерството за вонредни состојби, а бројот на жртвите е најмалку 32 лица.

Медицинскиот персонал изјави дека меѓу жртвите има шест деца, а четворицата пилоти исто така загинале, соопшти Министерството за здравство.