Северна Кореја за прв пат во историјата истражува грабеж на банка

Кражбата во локалната филијала на Централната банка на Северна Кореја се случила во градот Chongjin на границата со Кина, ноќта на 4 април, пишува UPI.

“Ова е прв пат да е ограбена банка од основањето на државата и многу жители љубопитно ја следат ситуацијата”, рекол изворот за Радио Слободна Азија, кој побарал да остане анонимен.

Банката е сместена во близина на театарот Dorip и обично околу неа кружат стражари. Меѓутоа, се чини дека чуварите за време на кражбата не биле на работните места.

Крадците го разбиле влезот и украле кеш од 70 милиони севернокорејски вони, рекол изворот. Спрема пишувањето на United Press International не постои службена валута за која е поврзан Вонот па не може да се пресмета колкава е сумата во однос на другите валути.

Властите истражуваат дали криминалците имале помагачи од внатре, што е многу веројатно, наведува изворот. Поради овој инцидент зголемен е надзорот на другите банки во земјата.