Попис на апликации кои најмногу го успоруваат уредот со Android

Иако се опремени со најсилен хардвер и софтвер, дури и врвните Android телефони и таблети имаат проблем со перфомансите.

Главните виновници се секако апликациите. Безбедносната компанија AVG објави листа од апликации кои се одговорни за споменатите проблеми на уредите со Android, а се однесува на второто тромесечие од оваа година.

Апликациите се поделени во две групи. Првата ја чинат апликации одбрани од страна на корисниците, а тука најголем проблем прави Snapchat. Snapchat по успорување на уредот успеа да го претекне и Facebook, а за ова е заслужно симултаното користење на камерата, WiFi податоците и GPS.

Уште една неочекувана апликација на списокот е Tumblr – апликација која троши најмногу податоци, повеќе од Netflix и Spotify заедно.

Кога се во прашање апликациите кои се покренуваат автоматски или работат во заднина, на прво место е Facebook, а следува Google Play Services.

AVG истакнува дека целта не им била да ги вознемири корисниците на Android, туку само да ги предупреди и да им укаже на тоа кои апликации треба да се избегнуваат.

Секако, присуството на овие апликации на AVG листата исто така укажуваат и на тоа дека овие се воедно и најпопуларни апликации што кај корисниците може да створи двоумење околу тоа што треба да се направи околу тоа, т.е. кои апликации да се избришат, а кои да се користат и понатаму.