“Panama Papers” е најголема афера во историјата?

“Panama Papers” се состои од 2,6 терабајти податоци, 11,5 милиони документи и 214.000 фиктивни фирми – станува збор на најголемото истекување на податоци со кои новинарите некогаш се сретнале.

Mossack Fonseca е адвокатска фирма, од која протекоа информациите, со седиште во Панама кој меѓудругите услуги се наоѓа и услугата за покренување на компанија на подрачја кои не подлежат на правото, туку се наоѓаат под офшор јурисдикција како што се Британските Девствени острови. Таа адвокатска фирма потоа управува со новосоздадената компанија со некоја годишна надокнада. Mossack Fonseca, освен што ја води компанијата, е задолжена и за нејзино управување со имотот.

Иако е регистрирана како панамска фирма, Mossack Fonseca делува на сите страни од светот. По пат на веб страница се вмрежени околу 600 лица од 42 земји во светот. Исто така, ширум светот поседуваат концесии, франшизи на кои пријавуваат имиња на нови партнери и имаат ексклузивни права на користење на брендот. Mossack Fonseca делува во даночните оази, вклучувајќи ја Швајцарија, Кипар,  Британските Девствени острови и на островите кои се под палката на британската круна.

Mossack Fonseca е четврти најголем давател на офшор услуги. Работи за повеќе од 300.000 фирми меѓу кои постои силна “британска врска”. Повеќе од половина од фирмите со кои управува Mossack Fonseca се регистрирани на подрачја каде се применуваат британски даночни засолништа, како и во самата Британија.

Се претпоставува дека се работи за едно од најголемите протекувања на податоци во историјата, дури поголеми од откривањето на американските списи од WikiLeaks во 2010 година и повеќе од податоците кои во 2013 година ги објави Edward Snowden. Во јавноста излегоа 11,5 милиони документи, односно 2,6 терабајти информации од базата на податоци на компанијата Mossack Fonseca.

Користењето на офшор структурата е во потполност легално. Постојат многу причини за тоа, а како пример е таа кога бизнисмени од Русија и Украина обично го чуваат својот имот за да се одбранат од кражби и криминалци и за да ги избегнат круто поставените валутни ограничувања. Но, некои од нив слободно можат да се наречат арамии, пишува Guardian.

Од Mossack Fonseca тврдат дека нивната работа е во склад со законот и дека се против перењето на пари поради што спроведуваат истраги за секој свој клиент. Тие напоменуваат дека не можат да бидат одговорни за направените пропусти направени од страна на посредици меѓу кои се многубројни банки, адвокатски друштва и сметководители.