Официјално е достапна опцијата за поништување испратен e-mail

На сите им се случило електронската пошта која сме ја испратиле да не била наменета за тој што сме ја пратиле или уште полошо содржината на пораката да не е соодветна за тој што ќе ја прими, но Google воведе алатка со која ќе се избегнат непријатности.
Причините за кои се сака повлекување на пораката воопшто и не се важни туку е важно дека оваа опција постои и станува интегрален дел од Gmail, еден од најпопуларните сервиси за електронска пошта во светот. Иако веќе шест години постои опцијата “undo send” (не за сите корисници) сепак таа сега станува и официјално достапна за сите корисници на Gmail.
Сите корисници на Gmail кои сакаат да ја користат оваа опција на поништување на испратен mail ќе мораат рачно да ја вклучат, а тоа се прави едноставно и лесно. Доволно е да појдете во поставки (setting) и да се чекира опцијата “undo send”, а потоа да се сочува (save) таа поставеност.
Сепак, треба да обрнете внимание се интервалите кои ги нуди Gmail за откажување, а можно е да се постават на 5, 10, 20 или 30 секунди како конечен рок за откажување на праќањето на пораката. Горната граница е половина минута што е сосем доволно во случаите кога тоа е потребно.