Нов трик на Google -“Fun Facts”

Google знае скоро сѐ што ќе ви падне напамет, од животниот век на козата па сѐ до името на актерот кој го играл Wolwerine, а за да сето тоа го дознаете морате да впишете што точно барате од одредено прашање.

Но, Google на својот интернет пребарувач ја претстави својата нова функција која на корисниците при пребарувањето ќе им исфрли интересни факти за сѐ и сешто.

Имено, во полето за пребарување потребно е да впишете “fun facts” и веднаш над резултатите испишува некој интересен факт кој Google по случаен избор го наоѓа на некоја од страниците.

Кога корисникот ќе ја прочита испишаната реченица има можност да кликне на кочето “Ask another question” (прашај друго прашање), а Google  ќе испише уште некој интересен факт.

Google и во минатото во својата програма за пребарување уфрлаше некои интересни работи па така кога ќе впишете “I’m feeling wonderful” – може да се видат светските знаменитости, “I’m feeling playful” – ќе пронајдете интересни игри, “I’m feeling stellar”- ќе видите интересни слики од вселената, како и “I’m feeling doodley” – за да погледнете некои од претходните Google Doodle.