Моќниот „Huracan” под рефлектори во Женева

Иако „Huracan” имаше интернет презентација уште на крајот од 2013 година, ова е првото појавување пред публика на некој светски саем на автомобили.

На фабричките фотографии можеше да се види дека е во прашање автомобил со современ дизајн во однос на претходниот модел, но и дека не е нарушен препознатливиот стил на Ламборџини. Светло жолтиот примерок го краси штандот на овој производител во Женева.

Предниот дел на „Huracan”, со новиот дизајн на фаровите, спуштениот нос и огромните издувни цевки, придонесуваат автомобилот да изгледа поагресивно во однос на претходникот. Линиите од браниците се понагласени, а отворите за воздух пред задните тркала се помали и се поставени пониско. Назад се истакнуваат модерно обликувани стоп светла, поптполно променет дизајн на браниците и два пара на издувни цевки.

„Huracan” има 5,2 литарски V10 мотор кој испорачува 610ks (448 kw) при 8250 о/min, додека максималниот обртен момент од 560 Nm на 6500 o/min.

Автомобилот е тежок 1422 кг, убрзува од 0 до 100 km/h за 3,2 секунди, а до 200 km/h му е потребно 9,9 секунди. Максималната брзина му изнесува 325 km/h.

Снагата на моторот е на сите 4 тркала со помош на автоматски менувач со дупло квачило, а на возачот му се на располагање три режими на работа: страда, спорт и корса. Ламборџини „Huracan” е стандардно опремен со керамички кочници.

Сите неопходни информации за време на возењето ќе се добиваат на ТФТ екран кој ја замени стандардната инструмент табла.