Видео: Мапите “Here” се бесплатно достапни за Android

Мапите “Here” на Nokia досега беа достапни во бета верзија за корисниците на Android уредите, а оваа апликација ја превзеле милиони луѓе во раната фаза.

Како што објавија на својот блог “Here” сега се достапни во бета верзија бесплатно на Google Play ширум светот. Инсталацијата на апликацијата е далеку поедноставна од претходно преку нивната страница here.com. Google Play сега ќе се погрижи да ја имате најновата верзија на апликацијата, благодарение на известувањата кои ги добиваат корисниците на својот уред.

Новината е дека “Here” сега поддржуваат гласовна навигација за нови 18 земји, па така апликацијата поддржува мапи од 118 држави (не е потребен интернет), а подобрена е и самата стабилност на апликацијата.

Што се однесува за iOS верзијата, од Nokia велат дека на тоа се работи и дека се надеваат дека апликацијата ќе стигне во AppStore на почетокот на следната година. 

{loadposition content9}