Малку познати факти за легендата David Bowie

Иконата на поп музиката, David Bowie почина во 69-та година од животот, а зад него остануваат песни од кои некои влегоа во историјата на светската музика. По пат на социјалните мрежи обожавателете се простуваат со легендата, а зад него остануваат големи музички класици.

Ви носиме неколку малку познати факти за уметникот кој не задолжи со своето музичко творештво.

-Негов прв хит во Британија од 1969 година е Space Oddity кој е користен во преносот на BBC при првото спуштање на месечината.

-Првиот хит на Bowie во САД беше Fame во 1975 година. На песната соработуваше со легендарниот John Lennon кој ги пееше пратечките вокали.

-Bowie го даде својот глас во анимираниот лик Lord Royal Highness во популарниот цртан филм Сунѓерот Боб.

-Во филмот “Последното Христово искушение” на Martin Scorsese, Bowie се појавува во улога на Понтие Пилат.

-Беше член на десет бендови, The Konrads, The Hooker Brothers, The King Bees, The Manish Boys, The Lower Third, The Buzz, The Riot Squad, The Hype, Tin Machine и Tao Jones Index.

-Слика од неговиот лик се појавуваше на секој негов албум освен на The Buddha Suburbia.

-Во 2004 година магазинот Rolling Stone го прогласи за 29-ти најголем музичар на сите времиња.