Кока-Кола ја исфрла спорната состојка

Најголемиот светски производител на безалкохолни пијалоци, Кока-Кола, планира од рецептурата на некои свои пијалоци да ги исфрли спорните состојки.

Постапувајќи во склад со една онлајн петиција, Кока-Кола планира да ја исфрли BVO, вид на растително масло, кое се додава во овошните пијалоци, како што е фанта, пишува BBC.

Еден елемент од тој адитив би можел да има негативни последици по здравјето на луѓето, сметаат активистите.

Портпаролот на Кока-Кола, Џош Голд, истакнал дека исфрлањето на состојката BVO не е прашање на безбедност.

„Сите наши пијалоци, вклучувајќи ги и оние што содржат BVO, се безбедни и отсекогаш биле во склад со правилата во земјите во кои се продаваат“, рекол тој во изјавата.

„Безбедноста и квалитетот на нашите производи се наш најголем приоритет“, наведува Голд.

Ривалскиот производител Пепси таа супстанца ја исфрлил од употреба минатата година.

Портпаролот на Пепси навел дека компанијата има планови и дека работи на исфрлање на BVO од сите свои производи.

Грижата доаѓа од таму што BVO се користи како стабилизатор и ги спречува состојките да се дезинтегрираат, а BVO содржи бромид, со бромоводородна киселина.

Судејќи спрема медицинските истражувања од клиниката Мејо, прекумерна конзумација на пијалоци кои содржат BVO предизвикуваат негативни здравствени ефекти.

BVO е исфрлен од листата на безбедни состојки во Америка во 1970 година, но на производителите на пијалоци им е дозволено користење во ограничени количини.

Во Јапонија и ЕУ, неговата употреба како додаток на храната не е дозволен.

{loadposition content9}