Детал кој можеби има поврзаност со падот на авионот на Germanwings

Авионот Airbus A320 на нискобуџетната германска компанија Germanwings, кој во понеделникот се урна во француските Алпи при што загинаа 150 патници и членови на екипажот, имал технички проблем со вратата која ги затвора предните тркала, потврдил портпаролот на Lufthansa.

Проблемот бил поврзан со отворот, односно механизмот кој се отвора и затвора во моментот кога се вклучува уредот за слетување. Авионот во понеделникот бил цел ден приземјен во Диселдорф, а портпаролот на Lufthansa изјавил за агенцијата DPA дека проблемот бил решен.

Полека излегуваат во јавноста и детали за жртвите на оваа страшна несреќа. Медиумите јавуваат дека меѓу 144 загинати патници, освен 16 ученици кои оделе во исто одделение и двајца нивни наставници од училиштето во германскиот Хелтерн, се наоѓаат и двајца познати оперски пејачи.

Познатата оперска пејачка Maria Radner патувала со својот сопруг и бебето, а се враќала во Германија од Барселона каде настапувала во операта Siegfried, јавува АР. Другиот оперски пејач е Oleg Bryjak од оперскта куќа во Диселдорф.

{loadposition content9}