Творештвото на Јовановска, портрет и промоција

Поетско – литературна средба со творештвото на авторката Оливера Јовановска од Мелбурн – Австралија.

Попрецизно, во Охрид во Прличевата одаја промоторите – поетесата и познатата поранешна спикерка на МРТВ Лилјана Стоилковска и м-р Милчо Јованоски, директор на охридската Библиотека ќе ги промовираат книгите: „Неостварена љубов“ , „Магични љубовни зборови“ , „Лавиринт на вистината“ и „Одмрзнати чувства“ од авторката Јовановска, потенцираат од Библиотека „Григор Прличев“ – Охрид.

Четирите книги ( три поетски и еден роман) се во издание на Македонското литературно друштво „Григор Прличев“ од Сиднеј.

Промоцијата ќе биде збогатена со неколку македонски новокомпонирани песни – стиховите се дело на Оливера а во изведба на нејзиниот сопруг Љупчо Јовановски – Бубе .