Samsung патентираше контакт леќи со вградена камера

Во иднина би можеле да се носат паметни контакт леќи како оние кои ги користат тајните агенти во филовите. Samsung објави дека му е одобрен патентот во Јужна Кореја за контакт леќи кои ја проектираат сликата директно во окото на лицето кое ги носи.

Во леќите се наоѓа вградена камера и сензори кои се контролираат со трепкање, а имаат и антени кои содржината ја праќаат на обработка на надворешен уред, како што е телефонот. Давањето наредба со трепкање не е потполно вон границите на возможното бидејќи и на очилата од Google постои додаток кој на корисниците им овозможува фотографирање со трепкање.

Samsung не е единствената компанија која е заинтересирана за производство на паметни контакт леќи бидејќи Google веќе поседува два патенти на контакт леќи со флексибилна електроника и сензори кои ги читаат хемикалиите на солзната течност на окото на лицето кое ги носи очилата и го одредува нивото на шеќер во крвта.

Samsung за овој патент аплицирал во 2014 година, истата година кога Google добил дозвола за патентот во САД.