Kiddle е нов интернет пребарувач за деца

Пребарувачот обезбедува поедноставно и побезбедно сурфање за децата

 |  инфодеск  | 

Kiddle е новиот интернет пребарувач заснован на Google безбедно пребарување и наменет е исклучително за деца. Овој пребарувач резултатите ги рангира по безбедност и едноставност со која се пишувани страниците.

Првите три места се резервирани за чисти и безбедни линкови, следните четири за оние кои содржат едноставно напишана содржина разбирлива за деца, а од осмото место понатаму следуваат вообичаени резултати.

Kiddle не е производ на Google ниту е официјално лиценциран од Google, но користи механизми од Google пребарувањето со вклучени безбедносни филтери кои ги штитат децата од содржини кои не би требало да ги видат и пребаруваат. Kiddle користи исти бои на букви како и логото на Google, но страните со резултати се нешто пошарени, а насловната страница прикажува и слики и позадини.

Останува само прашањето колку родителите ќе им допуштат на децата да го користат и колку воопшто родителите се спремни на идејата да им се допушти на децата самостојно да сурфаат по интернет.

Со Вашата регистрација, неделно ќе добивате е-порака со најважните информации од регионот.


© All rights reserved. Powered by YOOtheme.
Back to Top