Луда идеја која собира пари

Велат, оние кои успеале, дека е најтешко да се заработи првиот милион, а овој моментално анонимец таа цел одлучи да се обиде да ја отствари со помош на интернет заедницата…

Идејата е интересна, а интересно е да се следи wemadeamillionaire.com на авторот дали ќе му донесе еден милион американски долари или можеби повеќе од тоа. Сето тоа е, како што се тврди на страницата, социјален експеримент кој започна на 28 јули и ќе трае 90 дена. Принципот е едноставен, сите кои сакаат да донираат можат да уплатат “златна” (9,99 USD), “сребрена” (4,99) и “бронзена” (1,29) донација на сметка на анонимецот (или повеќемина нив). За уплатениот износ нивните имиња и локации, ако експериментот успее, ќе се објават на златниот, сребрениот или бронзениот ѕид, во зависност кој пакет го одбрале.

Оние кои ќе се одлучат за златниот ќе можат со своето име и локацијата да објават и порака, па ако овој начин на заработка ве привлекува, а не сте се сетиле, можете да уплатите некој долар…

Иако на објавеното видео има јасна порака дека во случај да се соберат еден милион долари авторот нема да го открие својот идентитет, ниту што ќе направи со парите, приказната тече и во првата седмица се собрани скоро 12.000 долари.

Ако ова ви звучи лудо не се чудете, воедно и самиот автор на овој социјален експеримент го констатирал тоа: “можеби ова е доволно лудо да успее”…