Internet Explorer конечно доби наследник

Microsoft уште пред неколку месеци откри дека работи на нов интернет пребарувач, замена за Internet Explorer, а сега конечно е откриено и неговото име. Имено, новиот интернет пребарувач беше познат како проект Spartan, но неговото име ќе биде всушност Microsoft Edge.
Microsoft Edge светлото на денот ќе го види заедно со оперативниот систем Windows 10, а името за кое Microsoft се одлучи воопшто не изненадува бидејќи и името на новиот покренувач на овој пребарувач е EdgeHTML.
Иако е одлучено Microsoft Edge да го замени Internet Explorer, стариот пребарувач и понатаму ќе постои на Windows 10, најмногу поради бизнис корисниците.
Edge е минималистички скроен и ќе донесе бројни нови функции, како што се интеграција на виртуелните асистенции Cortane, вградена reading листа, поддршка за екстензии, можност за пишување со дигитално пенкало и слично.
Windows 10 ќе се појави летово, но датумот сеуште е непознат.

{loadposition content9}