Facebook Messenger достапен и по пат на web

Откако ја одвоија како посебна апликација, Messenger на мобилните телефони, Facebook од денес има и web верзија на сервисот кој служи само за една работа – допишување.
Со самото тоа од сега имате место каде што можете непречено да разговарате со пријателите без надворешни дистракции. Во чатот можете да користите фотографии, стикери и иконата за допаѓање исто како на мобилната верзија, но засега не можете да праќате аудио пораки како на мобилната верзија на Messenger.
Понатаму можете да блокирате поедини корисници и да управувате со звуците во апликацијата, но доколку сакате да ги менувате поставките на приватност, Facebook ќе ве пренасочи на официјалната страница.
Доколку сакате повеќе да се допишувате отколку да гледате разни статуси, web верзијата на Messenger е нешто што ќе ви се допадне од првиот момент.
Сервисот можете да го користите така што ќе се пријавите со вашето корисничко име и лозинка на следниот линк messenger.com.

{loadposition content9}