Sony претстави потенок телевизор од мобилен телефон

За време на конференцијата воочи Consumer Electronic Show 2015 во Лас Вегас Sony го претстави новиот 4К ТВ серија Х900С.

Со ширина помала од половина центиметар, Х900С е најтенкиот LCD телевизор кој некогаш е направен, и како што наведува Sony потенок е од мобилните уреди Xperia.

Sony исто така наведува дека Х900С серијата ќе биде покрената преку Android TV оперативен систем и ќе содржи PlayStation Now услуга за стримање на видео игри.

Не само што ќе може да се пристапи на Google Play Store, туку ќе може да се користат и гласовни наредби. Претставникот на Sony Mike Fasulo покажал како тоа работи додека се користи Sony One-Flick touchpad далечинскиот управувач. Тој во далечинскиот управувач го изговорил само името Gary Busey, а во една секунда се добила можноста да се прегледаат сите филмови на актерот преку Google Play, видео исечоци преку YouTube и уште многу други опции.

Новиот процесор на Sony X1 ја придвижува целата оваа работа, овозможувајќи подобрување на боите, подобар контраст и јасност.

Новата линија на X900C ќе се продава во три големини, а тоа се 55, 65 и 75 инчи, а излегувањето на пазарот се очекува оваа година. Сеуште нема информации за цената, но се очекува дека за новиот ТВ на Sony ќе треба да се одвои поприлично голема сума.

{loadposition content9}