Фотографии како од друга планета

Ова е втор пат зимава во североисточниот дел на САД да има голем студ при што замрзнаа и Нијагарините водопади, а 169.000 кубни метри вода кои во просек поминуваат низ нив секоја минута, се претворени во мраз.

Протокот на вода на Нијагарините водопади во принцип е доволно силен да може да одолее на температурите како што се оваа зима, но во понеделникот рекордно ниската температура од -13 го застана водопадот – а фотографите ја искористија оваа прилика да направат фасцинантни фотографии каде водопадите се осветлени со рефлектори во разни бои.

И во јануари се случи истата појава, водопадот да замрзне, кога таканаречениот поларен вортекс ги претвори водените слапови во мраз.

Во текот на ноќта помеѓу понеделник и вторник температурата била -17, а топење на мразот во скоро време не се очекува.