Во Абу Даби изложени уметнички дела на три генерации охридски уметници

Деновиве во Абу Даби – Обединети Арабски Емирати започна културната манисфестација наслеовена како „Месец на Македонска Уметност“ во чии рамки беше поставена и ликовна изложба со дела од охридски сликари.

На ликовната изложба која по тој повод беше отворена на 28.01.2017 во галеријата Abu Dhabi Art Hub, покрај четворица други ликовни уметници од Македонија, учествуваат како гости со нивни дела и Вангел Наумовски, Рубенс Наумовски и Јана Наумовска.

Вангел Наумовски е претставен со 3 масла на платно и 3 акрилици на хартија. Рубенс Наумовски е претставен со 7 масла на платно, а Јана Наумовска со 3 масла на платно.

Ова е за првпат тројца, од три генерации на фамилијата наумовски да излагаат заедно, прв пат во Абу Даби и прв пат Јана Наумовска да се претстави со свои дела пред јавност. Изложбата ја отвори амбасадорот на Р.Македонија во ОАЕ господинот Сашо Ташевски.