Луис Хамилтон славеше и во Русија

Луис Хамилтон стигна до деветата победа оваа сезона и 42-ра во кариерата и така се изедначи на третото место на сите времиња со Себастијан Фетел. Пред нив се само Французинот Ален Прост (51) и Германецот Михаел Шумахер (91).

Хамилтон победи со резултат 1h 37:11:024 пред Фетел и Серхио Перез кој го избори само третиот подиум во историјата на Форс Индија. Возачот на Мерцедес Нико Розберг кој е во трка за титулата се откажа во осмиот круг поради дефект на педалата за гас.

Хамилтон води во генералниот пласман со 302 бода, Фетел е втор со 236, додека Розберг сега е трет со 229 бодови. Во поредокот за конструктори води Мерцедес (531) пред Ферари (365) и Вилијамс (220). Следната трка е за две недели во Америка.

Конечниот пласман во Сочи, Русија на освојувачи на бодови е следниот:

1. Lewis Hamilton
2. Sebastian Vettel
3. Sergio Pérez
4. Felipe Massa
5. Kimi Räikkönen
6. Daniil Kvyat
7. Felipe Nasr
8. Pastor Maldonado
9. Jenson Button
10.  Fernando Alonso