Пред големото Ел Класико кој е подобар Роналдо или Меси?

Откако пристигна Кристијано Роналдо во 2009 во Реал Мадрид, ривалството на двајцата најдобри фудбалери на светот добија нова димензија, а бројките се најинтересни пред нивниот меѓусебен дуел. Секако тоа не е исклучок ниту вечерашниот Ел Класико кој започнува во 20.30 на Ноу Камп.

Секако, во споредбите помеѓу Роналдо и Лионел Меси најмногу коментари има во шпанските медиуми. Во најавата на AS има статистика за Ел Класико од таа 2009 година и доаѓањето на Роналдо во Реал Мадрид. Португалецот и Аргентинецот од тогаш настапиле во вкупно 24 големи дербија (Примера, Куп на кралот и Лигата на шампиони), а двајцата постигнале по 15 голови. Но, тука застанува еднаквоста во Ел Класико.

Имено, Меси има на контото и 10 асистенции, а Роналдо само две. И едниот и другиот постигнале повеќе голови во гости, но и тука е Меси поуспешен со 10 голови на Сантијаго Бернабеу спрема 9 од Роналдо на Ноу Камп.

Меси имал и двојно повеќе причина за прослава. Во тие 24 дуели Барселона победила во 12 наврати, а Реал во 6, додека 6 натпревари завршиле со нерешен исход.

Прилика за поправање на скорот Роналдо го има вечерва, но на другата страна е чудесното трио Меси-Суарез-Неимар.

Пред нешто повеќе од четири месеци Барселона го понижи Реал во Мадрид, а вечерва ќе се види дали Кралскиот клуб ќе се реваншира или ќе видиме уште еден триумф на Барселона.