За еден месец, второ поскапување на горивата

Бензините од синоќа на полноќ поскапија за 2,5 денари за литар, а цената на дизел горивата се зголеми за 1,5 денари, одлучи вчера Регулаторната комисија за енергетика.

Новата малопродажна цена на ЕУРОСУПЕР БС-95 изнесува 60,5, а на ЕУРОСУПЕР БС-98 62,5 денари за литар. ЕУРОДИЗЕЛ ќе се продава за 45, додека Екстра лесното масло за домаќинство за 33,5 денари за литар.

Како причина за поскапувањето, Комисијата ги посочува повисоката просечна цена на суровата нафта на светскиот пазар во изминатите 14 дена и понискиот курс на доларот во однос на денарот.