Во петок во Охрид започнува првиот студентски филмски фестивал –Филмоција

Институтот за филм – Филмска Академија Охрид во периодот од 8ми до 10ти април 2016 година, го организира својот прв студентски филмски фестивал –Филмоција (Feelmotion) – чии активности ќе се одвиваат во просториите на академијата во Охрид.

Овој настан предвидува разновидна и богата тридневна програма, вклучувајќи проекции на филмови, работилници и мини концерти.

– Факултети кои ќе учествуваат со сопствени филмови и студенти ce: Универзитетот Гоце Делчев – Штип, Есра и ФДУ – Скопје, Тетовскиот Универзитет и Хасан Приштина од Косово.

– Работилниците ќе бидат водени од продуцентите: Огнен Антов, Борис Дамовски, Атанас Георгиев и Жарко Иванов.

– Дел од музичката програма ќе биде Тони Китановски Трио.

Официјалното отворање на фестивалот започнува во петок, 8ми април во 19 часот, додека просториите на академијата ќе останат отворени 24 часа за поканетите гости и за сите заинтересирани посетители од Македонија.