„Tree of Life“ ја освои Златната палма во Кан

Филмот „Tree of Life“ на режисерот Теренс Малик ја освои главната награда на 64. Кански филмски фестивал.

Драмата во која главните улоги ги имаат Бред Пит, Шон Пен и Џесика Частеин доби мешани критики, но на крајот сепак успеа да го освои жирито на чело со Роберт Де Ниро. „Tree of Life“ некои го нарекоа амбициозно дело на генијалец, а други го окарактеризираа како хаотично мислење за животот и духовноста.

Култниот режисер Теренс Малик не се појави на настанот за да ја прими наградата.

Втората награда, Гран Прито на францускиот фестивал, ја добија два филма – „The Kid with a Bike“ и „Once Upon a Time in Anatolia“.

Кирстен Данст беше прогласена за Најдобра актерка за нејзината улога во филмот „Melancholia“, а Жан Дижарден ја доби наградата за Најдобар актер за филмот „The Artist“.

Наградите беа доделени вчера, на последниот ден од Канскиот филмски фестивал.

{loadposition content9}