Три награди на Sundance Film Festival 2019 за македонскиот документарец „Медена земја“

Документарниот филм „Медена земја“ (Honeyland) ја освои главната награда од стучното жири (Grand Jury Prize) на Sundance Film Festival 2019 во конкуренцијата за документарни филмови од светот (World Cinema Documentary Competition).

Покрај главната награда филмот освои уште две награди во истата конкуренција: специјална награда за фотографија (Special Jury Award for Cinematography) и специјална награда за влијание за промена (Special Jury Award for Impact for Change).

Продуцент на филмот е Атанас Георгиев, режијата е на Тамара Котевска и Љубомир Стефанов, а директори на фотографија се Самир Љума и Фејми Даут.