Лучијано Бусо од Тревизо вели дека пронашол сокриен потпис на Џото ди Бондоне во отпечатокот од лицето и рацете на Христа а на неколку други места открил напишани 15-ки.
Тој е убеден дека бројката се однесува на 1315-та, годината кога му било наредено да направи копија од реликвијата, бидејќи оригиналот бил тешко оштетен или загубен.
Историчарот, кој своите контроверзни тези ги објавил во книга, вели дека неговата теорија се поклопува со современите карбонски тестови, кои покажаа дека тканенината потекнува од раниот XIV век.
Платното е сопственост на Ватикан, но се чува во специјална комора во Туринската катедрала.
Симболите досега не биле пронајдени затоа што, како што вели Бусо, биле сокриени во тајни шари направени од четката на уметникот, кои не се видливи со голо око.
“Џото не се обидел да направи фалсификат, ниту да измами некого. Не е ни чудо што црквата го избрала токму него, бидејќи тој е еден од најпознатите и најдобри средновековни сликари”, објаснува Бусо.
Додека христијаните веруваат дека на ткаенината има мистериозен и чудесен отпечаток од телото на Исус, скептиците сметаат дека платното е добро осмислена измама од XIV век за примамување верници, за зацврснување на верата и придобивање поголеми парични донации за црквата. Во бројните теории, како автори на платното се споменуваа Леонардо да Винчи, витезите Темплари, па дури и самиот Исус.
Во март 2010-та, група дигитални уметници направија 3Д слика од ликот на Синот Божји, користејќи го токму Торинското платно. Истата година, Светото платно беше изложено во Торинската катедралата, каде привлече речиси 2 милиони посетители.
{loadposition content9}
Ти Си Твојот Град
Ти Си Твојот Град