Празнично украсување на домот

Украсувањето на домот за време на новогодишните празници претставува манифестација на внатрешните чувства и расположение. Тогаш славиме и се чувствуваме свечено па затоа имаме потреба тоа симболично да го искажеме преку празничните декорации.

Во новогодишното и божиќното декорирање доминираат црвената, зелената, златната и сребрената боја. Црвената боја, психолошки гледано го забрзува чукањето на срцето и ја зголемува енергијата кај луѓето. Симболизира виталност и љубов кон животот. Црвената боја  е топла боја која го затвора просторот и ги зближува луѓето. Моќта на црвената боја се зголемува во комбинација со зелената бидејќи се комплементарни. Златната и сребрената даваат ефект на драгоценост.

Најдобро е кога целото семејство учествува во украсувањето на домот. На  тој начин покрај веселото расположение се зајакнува и чувството на припадност и поврзаност. Не е лошо доколку украсите се рачно изработени бидејќи тоа ја развива креативноста и го зголемува  задоволството.

{loadposition content9}