Подобрување на услугите за лицата со попреченост

Во рамки на Програмата за развој на Обединетите нации (УНДП), а со поддршка на Швајцарската агенција за развој и соработка, во Охрид денеска ќе се одржи работилницата за подобрување на услугите за лицата со попреченост, пренесува МИА.

На свеченото отворање ќе се обратат Министерот за локална самоуправа, Сухејл Фазлиу, Постојаниот координатор на Обединетите Нации и Постојан претставник на УНДП, Луиза Винтон, како и Заменикот раководител на мисија во Амбасадата на Швајцарија Стефан Томагиан.

Целта на настанот е размена на искуства и практики помеѓу меѓународните и националните експерти, како и детектирање на нови можности и сервиси што ќе им помогнат на лицата со попреченост да живеат понезависен и поквалитетен живот во заедницата, во согласност со Конценција на Обединетите нации за правата на лицата со попречесност.