„Only fools and horses“ на американски начин

Симпатичните губитници Дел-Бој и Родни се подготвуваат да ја освојат Америка. Пилот-епизодата веќе се подготвува во Еј-би-си, а сценариото ќе го пишуваат авторите на „Скрабс“, Стивен Крег и Брајан Бредли.
Американската верзија доаѓа 30 години по премиерата на британскиот оригинал на Би-би-си, кој има милиони обожаватели низ целиот свет.

Американската серија, исто како оригиналот, ќе се фокусира на авантурите на двајца браќа и нивниот дедо и нивните обиди да се збогатат.

Но Американците веќе имаат проблем со преводот на славните фрази на „Сплетки“.

Стив Карел веќе се пријавил за улогата на Дел. Тој дури и си кажал кој сè мисли дека треба да ги игра другите ликови: Пол Рад – Родни, Винс Вон – Бојс, а Бен Стилер дедото.

Тој изјави: „Ова е мојата улога од соништата. Британците прават најдобри хумористични серии на светот. Мислам дека со добри сценаристи нема премногу да ја уништиме „Сплетки“. Ако некој сака да ми помогне во „американизацијата“, би му бил благодарен“.

{loadposition content9}