Од пратеник, адвокат

Министерот за здравство и вицепремиер во владата на ВМРО-ДПМНЕ, Никола Тодоров пред малку соопшти дека се откажува од пратеничката функција.

– Имајќи во предвид дека планирам во иднина повеќе да се посветам на мојата основна професија како адвокат, како и да можам да дадам поголем придонес во партиските активности, дозволете ми да Ве информирам дека одлучив да поднесам оставка на функцијата пратеник во Собранието на Република Македонија – напиша Тодоров на својот Фејсбук профил.

Тодоров во 2009 беше назначен за функцијата Министер за образование и наука, а од 2011 ја вршеше функцијата Министер за здравство.