Кајмакоски со „Десет лета“ номиниран за MTV Best Adria Act

На годинешните MTV Europe Music Awards (Европски Музички награди), кои ќе се одржат во Милано, во категоријата за најдобар Адриа изведувач е номиниран стружанецот Даниел Кајмакоски.

Неговата нова песна „Десет Лета“, во чиј спот се појавува младата охриѓанка Ена Тунтева, се наоѓа на првото место на топ листата Domacica на МТВ Адриа, што придонесе Кајмакоски да добие номинација на престижните музички награди.

Во истата категорија со Даниел од страна на MTV се номинирани: 2CELLOS, Marcelo, Hladno pivo и уште еден изведувач кој ќе биде номиниран дополнително со „wild card“ односно преку гласање од публиката во текот на оваа недела.

Оваа година MTV Europe Music Awards се одржуваат во Милано, Италија на 25-ти октомври.

{loadposition content9}