Колку и каде можете да шетате со македонскиот пасош?

Според традиционалната ранг листа на американската консултантска фирма „Хенли партнерс“ (Henley & Partners) според визните ограничувања на секоја држава посебно македонскиот пасош е на 46 место од рангирани 199 држави. На првите места на оваа ранг листа се Германија, Велика Британија, Финска, Шведска и САД.

Американската компанија оваа анализа ја прави повеќе од 10 години по ред. Во споредба со лани Македонија е за едно место погоре. Со македонски пасош без виза може да се патува во 107 земји. Од соседството, пред нас се пасошите на Грција (7 место), Словенија (11), Бугарија (18) и Хрватска (22), Србија (43). Позади нас на оваа ранг листа се пасошите на Црна Гора, Русија, Босна и Херцеговина, Турција, Албанија…

Со германски пасош без виза може да се патува во 177 земји во светот. На дното на оваа табела се пасошите на Сирија, Пакистан, Сомалија, Ирак и Авганистан.

За македонскиот пасош, меѓу другите земјуи, виза е потребна за патување во Велика Британија, Ирска, Канада, САД.