Кој е за проверка на списокот на ДИК?

Хрватскиот глумец Раде Шербеџија, семејството на индискиот инвеститот Субрата Рој, Сушанта и Свапна Рој, кои добија македонско државјанство се дел од звучните имиња кои се најдоа на списокот за теренска проверка кој го објави ДИК, пренесува „Новатв.мк“.

Неизвесно е кој ќе им отвори кога на вратите ќе затропаат анкетарите на ДИК при теренската проверка. Пократ нив на списокот се наоѓа и Артан Груби, шефот на кабинет на лидерот на ДУИ, Али Ахмети, новинарката на Сител Ивона Талевска, екс пратеникот Јани Макрадули, тренерот на „Металург“, Лино Червар, новинарите Ерол Ризаов и Ивица Челиковиќ, дописник на МРТВ кој живее во Шведска.

Вкупно 89 илјади граѓани од 80 општини се предмет на теренска обработка на ДИК.

Најмногу спорни имиња, 17 илјади има во општините Чаир, Бутел и Шуто Оризари, 11 илјади во Куманово, Липково и Старо Нагоричане, а над 6 илјади се во Општина Карпош, Тетово и Центар со Аеродром. Најмалку спорни гласачи има во Македонски Брод.