Грците гневни поради стиховите од македонската песна за Евровизија

„Јас Македонец а она Русинка“- ова е делот од песната со која Влатко Илиевски ќе настапи на Евровизија,а кој ја разгневи Грција.

Зошто Влатко пее дека е Македонец? Со текстот, Скопје шири пропаганда и ја фалсификува грчката историја, смета Кирјакос Велопулос од ЛАОС.

Изминатиот период тој бурно следи што се случува кај нас и не престанува со своите писма до грчките министерства. Денеска прашува дали министерството за култура е запознаено со стиховите од македонскиот претставник што според него очигледно е дека шират пропаганда.

За Велопулос, Евровизија не е само еден обичен фестивал, туку европски натпревар што го следат десетици милиони луѓе од различни возрасти, но пред се млади и бара грчкото министерство за култура да преземе мерки за да се спречи, како што вели, скопската пропаганда.

А грчките блогери лути на Википедија, зошто на официјалната страница на интернет енциклопедијата стои Македонија, и македонски јазик, а не ФИРОМ.

Се чини дека Грција секоја година наоѓа мана на македонските претставници, лани реагираа за евровизискиот спот на Ѓоко Таневски, годинава за текстот на Влатко Илиевски.

{loadposition content9}