Г-ца Манипени поцрне

Британската актерка Наоми Харис, позната по улогите во филмовите “28 дена подоцна” и “Пиратите од Карибите” сега во своето филмско портфолио ќе може да ја додаде улогата од 23-тото продолжение на популарната филмска франшиза за најпознатиот шпиун Џејмс Бонд.

Наоми (34 години) ќе ја толкува улогата на Манипени, легендарниот лик на секретарката на MI6 на која тајниот агент Џејмс Бонд залудно и се додворува.

Досега ликот на Џејн Манипени, кој се појавува во 20 филмови за тајниот агент 007, го толкуваа глумиците Лоис Максвел, Керолајн Блис, Саманта Бонд, Барбара Буше и Памела Салем.

Покрај Даниел Крег, партнери на Наоми Харис во новиот филм во режија на Сем Мендес, ќе бидат Ралф Фајнс и Хавиер Бардем кој ќе глуми негативец.

{loadposition content9}