Евровизија ќе го тестира за дрога пејачот Дамијано – фронтмен на победничкиот рок бенд „Манескин“ од Италија.
Организаторите на Евровизија (ЕБУ) истакнаа дека се свесни за шпекулациите околу видео клипот со победниците од Италија во бекстејџот.
Групата негира дека користеле дрога, а пејачот ќе направи доброволен тест кога ќе се врати дома.
– Тестирање беше побарано од нив уште во саботата, но не можеше да се спроведе веднаш. Групата, нивниот менаџер и шефот на делегација нѐ информираа дека во Зелената соба немало дрога и објаснија дека била скршена чаша на нивната маса и дека пејачот ја исчистил. ЕБУ може да потврди дека скршена чаша била најдена при проверка на нивната маса. Сѐ уште ја гледаме снимката внимателно и ќе ве информираме со нови информации во догледно време – рекоа организаторите.
Победничкиот бенд во реакција на социјалните мрежи наведе дека се против дрога и не користеле кокаин никогаш.
– Подготвени сме да се тестираме, зошто нема што да криеме – напиша групата.
На прашањето дали консумирал дрога додека течело гласањето, Дамијано одговорил дека гледал надолу затоа што гитаристот скршил чаша.
Ти Си Твојот Град
Ти Си Твојот Град