На децата да им се објасни зошто славните изгледаат совршено

На основците во Британија ќе им се држат лекции дека славните личности во списанијата изгледаат совршено заради фотошоп, за да не си набијат комплекси од мали нозе.

Програмата ќе опфати дечиња на возраст од 10 и 11 години и има за цел да им даде до знаење дека моделите и актерите кои се нивни идоли, најчесто не се со така прекрасна става, какви што се прикажани во медиумите. Како потврда за тоа на основците ќе им се прикажуваат фотографии “пред“ и “после“ фотошоп, од пејачки, модели и други познати лица.

“Децата секојдневно се среќаваат со фотошопирани слики со кои им се поставуваат недостижни стандарди, а не се свесни за тоа. Тоа негативно влијае врз нивната самопочит. Децата треба од мали да научат дека физичкиот изглед не е најважен,“ објаснува британската министерка за женски права и еднаквост Лин Фитерстоун.

{loadposition content9}