„Blue Is the Warmest Color“, ја освои „Златната палма“

Вчера заврши Канскиот филмски фестивал со објавувањето на големите победници. „Blue Is the Warmest Color“, филм за лезбејска романса, ја освои престижната награда Златна палма.

Претседателот на жирито, Стивен Спилберг, изјавил дека го избрале делото на режисерот Абделатиф Кешиш затоа што раскажува одлична љубовна приказна.

„Филмот е одлична љубовна приказна која придонесе сите ние да се чувствуваме привилегирани што сме поканети да ја погледнеме оваа приказна за длабока љубов и длабока тага“ – изјавил Спилберг.

Втората награда, Гран Прито на францускиот фестивал, ја доби филмот на браќата Коен, „Inside Llewyn Davis“ со Џастин Тимберлејк и Кери Малиган.

Беренис Бежо беше прогласена за Најдобра актерка за француската драма „Le Passé“, додека Брус Дерн ја доби наградата Најдобар актер за улогата во „Nebraska“.

Наградата Најдобар режисер заврши во рацете на Амат Ескаланте за филмот „Heli“.

{loadposition content9}