Утре во Охрид превентивни прегледи за откривање ризик фактори за мозочен удар

Утре 4-ти јуни 2016 година со почеток во 10 часот на платото пред Центарот за култура „Григор Прличев“, тим на Здружението за борба против мозочен удар „Мозочен удар“ и Црвен Крст од Охрид заеднички ќе спроведуваат превентивни прегледи со цел откривање на ризик факторите за мозочен удар. Секој заинтересиран граѓанин ќе има можност за индивидуална консултација со специјалист невролог.

Истиот ден со почеток во 11 часот во просториите на Центарот за култура ќе се одржи отворена трибина на тема „Мозочен удар“ со две предавања „Мозочен удар и третман на мозочен удар“ и „Физикална терапија и рехабилитација по мозочниот удар, очекувања и комликации“. Предавачи на трибината ќе бидат д-р Маја Божиновска Смическа, спецјалист невролог од Специјалната болница „Св.Еразмо“ и д-р Гордана Коњаноска специјалист по физикална терапија и рехабилитација од Заводот за кардиоваскуларна рехабилитација „Св.Стефан“. По предавањата ќе бидат презентирани помагала кои се наменети за пациенти со прележан мозочен удар.

Според медицинскит податоци, Македонија се уште е во групата на земји со висока смртност од мозочен удар, а познавањето на јавноста за оваа проблематика е многу ниско. Во светот 15 милиони луѓе годишно страдаат од мозочен удар, 6 милиони од нив умираат како последица од мозочниот удар. Секои 2 секунди некој добива мозочен удар, а секои 6 секунди по едно лице умира поради мозочен удар.