Земјотрес во Централна Турција

Земјотрес со интензитет од 4,7 степени според Рихтеровата скала го потресе утрово градот Коња, во Централна Турција, каде синоќа беше почувствуван уште еден потрес од 4,5 степени по Рихтер.

Епицентарот на потресите, кои предизвикале силна паника меѓу населението, се наоѓал во селото Силе.
По првиот потрес синоќа над сто луѓе биле одведени во болница, а околу 30 од нив се здобиле со повреди при паѓање.

Вториот потрес, се случил неколку минути пред пет часот по локално врме рано утрово, по што луѓето во паника одново излегле на улиците. По десет минути во Коња била прекината електричната енергија што предизвикало дополнителна паника меѓу луѓето. Дел од нив се уште се наоѓаат по улиците или во автомобилите.

Во градот има оштетени згради, но материјалните штети се оценуваат како лесни.

{loadposition content9}