Започнува сезоната на ураганите

Американските власти очекуваат меѓу четири и седум урагани во северниот дел на Атлантскиот Океан во сезоната на ураганите, која започнува на 1 јуни и завршува кон крајот на ноември.

Меѓу еден и три од нив ќе бидат најсилните. Научниците прогнозираат меѓу девет и 14 тропски бури, од кои половина може да се претворат во урагани. Тоа значи дека активноста на сезоната ќе биде околу средната, односно 11 тропски бури и шест урагани.
Над 35 милиона Американци живеат во области кои се изложени на најголема опасност од ураганите, предупредија авторите на истражувањето. Тие истакаа дека добрата подготовка помага за спасување на човечките животи и имотите.

{loadposition content9}