Викиликс: Путин се замислува дека е Бетмен а Медведев е Робин

Објавите на Викиликс на тајните документи на американската влада, открија интересен начин на кој САД ги опишуваат водачите на земјите во светот.

Така, италијанскиот премиер Силвио Берлускони е опишан дека има “блиска врска“ со рускиот колега, која ги мачи САД. Берлускони и Путин се пријатели веќе пет години, честопати се состануваат и се гостуваат на празници. САД ги мачело договорот на италијанската енергетска компанија ЕНИ и рускиот “Газпром“, за јужниот гасовод. Се потенцира “мекиот“ став на Берлускони кон Русија за време на воениот конфликт со Грузија. Италијанскиот премиер е опишан како слаб и водач кој не прави многу. “Тој е физички и политички слаб лидер, со голема љубов за забави, што значи дека не се одмора доволно“, било наведено во разузнувачки извештај за Берлускони.

Францускиот претседател, Николас Саркози, пак е опишан како “тенкокожец“, авторитарен водач и цар во “невидливо руво“.

Претседателот на Русија, Дмитриј Медведев, е всушност Робин на Путин, кој е Бетмен. Медведев е блед и неодлучен.

Либискиот лидер Моамер Ел Гадафи за Американците е чудак, придружуван од русокоса украинска “медицинска сестра“.

“Иранскиот претседател Махмуд Ахмадинеџад е како Хитлер. Хамид Карзаи, претседaтел на Авганистан, е параноик и исклучително слаб, не ги слуша фактите, но затоа пак лесно го заведува секој што ќе дoнесе најбизарни приказни за завери против него.

Ким Јонг-ил, лидерот на Северна Кореа, е ’млитав и стар’, и пати од физички и психички трауми“, објавува британскиот весник “Дејли Меил“, извадоци од разузнувачки извештаи на САД, објавени од Викиликс.

{loadposition content9}